Gedicht zum Thema: Liebe

E kölsch Liebesjedeech

En mingem Levve jeit et widder rund

Ich hann im Liev e komisch wärm Jefühl
Ich sitze nur noch zwesche alle Stühl
Ich fühl mi Hätz dat schleit wie jeck
Un du, du bis der Jrund
En mingem Levve jeit et widder rund

Ich han jedaach, die Liebe wär en Witz
Do koms Du us em Himmel wie ne Blitz
Du nohms mi Hätz, dä janze Ress
Un ich kom op der Hund
En mingem Levve jeit et widder rund

Wenn ich dir en de Auge luur
Un ich pass nit op
Trecks Do mich en Di Auge rin
Un dat em rubbedidup

Ich brauch kein Naach mieh rümstonn aan der Eck
Ich bruch och nit noh Meerheim weje jeck
Zähle jeden Daach met Dir un zähle jede Stund
En mingem Levve jeit et widder rund

© Ulrich Schmitz